Nesër në mbrëmje transmetohet Podcasti i parë “Rruga e re”, bisedojnë Abdixhiku e Besim Dina

Kryetari i Lidhjes Demokratike të Kosovës, Lumir Abdixhiku, ka paralajmëruar episodin e parë të Podcast-it “Rruga e re”, ku mikpritës është vet i pari i LDK-së.

E musafir i parë i kësaj serie podcast, do të jetë aktori dhe prezantuesi i njohur Besim Dina.

Abdixhiku ka shkruar se ballafaqimi me Dinën është gjithmonë i vështirë, por gjithashtu edhe kënaqësi.

E plotë:

Podcasti ‘Rruga e Re’ po nis.

Më ndryshe se çdo komunikim i yni deri më tani.

Mysafiri i parë në këtë Podcast është Besim Dina.

Ballafaqimi me të është gjithnjë i vështirë; por ne jemi pikërisht në kërkim të bashkëbiseduesve si ai; me mendje te hapur, me kritikë të drejtëpërdrejtë e me ide që thejnë gjithë muret e ambicieve të varfëruara. Sonte, ai i solli freski e plot energji gjithë diskutimit tonë një orësh!

Podcasti ‘Rruga e Re’ na vjen si një dritare e re komunikimi; që mes zhurmës mbytëse të ankesave e ngecjes me të shkuarën, provon të ndërtojë rrugën përpara. Këtu, unë dhe bashkëpunëtorët e mi, do t’i shpalosim në detaje të gjitha projektet e ‘Rrugës së Re’ e idetë tona politike. Do t’i sfidojmë ato me secilin mendues kritik e secilin zë që e ëndërron një Kosovë të mbarë, të fortë e në zhvillim.

Nesër, në mbrëmje, transmetimi i parë.

Besim, të faleminderit. Ishte privilegj e kënaqësi!