Myftiu, Kurtit: Desha t’i ftojë të gjithë deputetët ta prejmë nga një kurban, ndoshta po ju shkon mbarë
Myftiu i Kosovës, Naim Tërnava, ka komentuar ngërçin politik.
Derisa ka pritur në takim për festen e Kurban Bajramit liderin e VV-së, Albin Kurti, kryetari i BIK-ut ka ironizuar me krizën politike në vend.
Ai ka thënë se ka menduar t`i thërras në takim të gjithë deputetët për të prerë nga një kurban.
Sipas tij, kjo do të bëhej me shpresë se kjo do të ndihmonte në zgjidhjen e ngërçit politik.
“Desha t’i ftojë të gjithë deputetët e parlamentit ta prejmë nga një kurban. Ndoshta po ju shkon mbarë e mirë. Ndoshta hapen rrugët. Temë e kam pasur natalitetin dhe kam kërkuar kush i ka nga 4-5 fëmijë t’i bëhet një banesë se po zbehet Kosova. Ka rënë shumë nataliteti”, është shprehur Tërnava.
