Mushkolaj: Raportet e Kurtit me ShBA-të nuk janë në nivelin e duhur
Analisti politik Imer Mushkolaj ka vënë në pikëpyetje pretendimet e kryeministrit Albin Kurti për mbajtjen e marrëdhënieve të forta me ShBA-në.
Duke folur në “Debat Plus”, Mushkolaj vuri në dukje mungesën e vizitave zyrtare në Shtetet e Bashkuara dhe takimeve të rëndësishme si dëshmi të tensionimit të marrëdhënieve.
“Kurti vazhdimisht e ka përsërit që marrdhëniet janë të shkëlqyeshme por kanë dalë zyrtarë që e kanë demantu, që kanë tregu që raportet nuk janë të mira. Kjo mund të argumentohet mungesë të takimeve të nivelit të lartë, vizitave zyrtare. Kjo është shenjë që raportet e Kurtit me ShBA nuk janë në nivelin e duhur. Me këtë absolutisht nuk pajtohem me qasjen e ka opozita, që e ka armën kryesore ta sulmojë Kurtin… ka plot material me u fokusu, por kjo kohë tri vjet e gjysmë na tregon se megjithatë qasja e Kurtit me ShBA-të, është formësu me idenë se ne jemi shtet sovran e i pavarur, dhe ne mund të bëjmë çfarë të duam brenda kufijve, me veprimet që i marrim, dhe në një formë që ShBa është partner dhe jo dodmosdosmërisht duhet me u digju, kështu la të nënkuptohej Kurti”, tha ai.
