MPJ konfirmon evakuimin e tre kosovarëve nga Izraeli
Ministria e Punëve të Jashtme dhe Diasporës e Kosovës ka njoftuar se tre shtetas kosovarë janë evakuuar nga shteti i Izraelii.
Siç njofton Ministria e Punëve të Jashtme dhe Diasporës, operacioni i evakuimit u krye nën mbikëqyrjen e Ambasadës së Republikës së Kosovës dhe Shqipërisë në Izrael.
MPJD bëri të ditur se të gjithë shtetasit e evakuuar aktualisht ndodhen në Qipro, në rrugën e tyre drejt shtëpive të tyre në Kosovë dhe Shqipëri.
“Evakuimi u realizua me një bashkëpunim të ngushtë midis Ambasadës së RKS dhe Ambasadës së Republikës së Shqipërisë në Izrael,” theksoi Ministria e Jashtme e Kosovës.