Reagime për letrën e Sokol Halilit: Deputetja Balje e quan "manipulim"
Deputetja Duda Balje, ka reaguar për letrën e vrasësit të Hamide Magashit, Sokol Halili, i cili sot vrau edhe vetën.
Përmës një postimi në Facebook, Balje e ka quajtur manipulim letrën e shkruar nga vrasësi i dyfishtë
Balje ka thënë se kjo letër nuk e shfajëson asësi atë.
“Dhe tani letra, e njeriut qe vrau veten, se e dinte se ishte fajtor, justifikon vrasjen e dyfishte qe beri?
Manipulimi nuk vdes kurrë”, ka shkruar Balje.
Sot është varros Hamide Magashi, e cila u vra të mërkurën në oborrin e QKUK-së, një ditë para se ta sillte në jetë foshnjën e saj.
Në varrimin e saj kanë marrë pjesë familja, një numër i madh i qytetarëve, ministrja e Drejtësisë, Albulena Haxhiu dhe kryetari i Lipjanit, Imri Ahmeti.