Lajçak takohet me Viola von Cramon, diskutojnë mbi zhvillimet e dialogut
Emisari Special i Bashkimit Evropian për dialogun Kosovë-Serbi, Miroslav Lajcak është takuar me raportuesen për Kosovën në Parlamentin Evropian, Viola von Cramon.
Ky takim erdhi pas takimeve që Lajçak pati në Kosovë e Serbi.
Përmes një postimi në llogarinë e tij në Tëitter, emisari Lajçak tha se me Cramon kanë diskutuar mbi zhvillimet e fundit në dialogun Kosovë-Serbi.
“Pati një bisedë të mirë me Viola von Cramon. Kemi shkëmbyer shënime mbi zhvillimet e fundit në dialogun e lehtësuar nga BE-ja dhe në Parlamentin Evropian. Unë jam mirënjohës për bashkëpunimin tonë të ngushtë të vazhdueshëm”, - shkroi Lajcak.
Had a good conversation with @ViolavonCramon. We exchanged notes on the latest developments in the 🇪🇺-facilitated Dialogue and in the @Europarl_EN. I am grateful for our continued close collaboration! pic.twitter.com/h9JPfEmjNU
— Miroslav Lajčák (@MiroslavLajcak) February 7, 2023
