Kuvendi nesër pritet ta miratojë Projektbuxhetin për vitin 2024
Kuvendi i Kosovës nesër (e enjten) do të mbajë seancë plenare.
Në këtë seancë, e cila pritet të fillojë në ora 10:00, pritet të miratohet Projektbuxheti për vitin 2024.
“Shqyrtimi i parë i Projektligjit nr.08/L-260 mbi ndarjet buxhetore për Buxhetin e Republikës së Kosovës për vitin 2024”, është thënë në njoftimin për media të Kuvendit.
Para dy jave, Qeveria e Kosovës e ka miratuar Projektligjin.
Më këtë rast, kryeministri Albin Kurti ka bërë me dije se vlera e këtij buxheti është 3 miliardë e 314 milionë euro.
