Kush është Vlora Çitaku, ministrja e jashtme në Qeverinë nën hije të PDK-së
Javë më parë, nënkryetarja e PDK-së, Vlora Çitaku, në një audio-bisedë (podcast) për Gazetën Nacionale, paralajmëroi intensifikim të kundërshtimit të partisë më të madhe opozitare ndaj Qeverisë Kurti.
E gjatë ditës së sotme, Partia Demokratike e Kosovës njoftoi për themelimin e Kabinetit të Qeverisjes së Mirë duke theksuar se do të tentojë të ofrojë një alternativë qeverisëse të mirëfilltë kundrejt Qeverisë së kryeministrit Albin Kurti.
Kreu i PDK-së, Memli Krasniqi, ashtu siç edhe ishte konfirmuar ditë më parë, ka publikuar departamentet për Qeverisje të Mirë.
Ky kabinet do t'i ketë 15 departamente, të ndara, me secili përfaqësuesin e vet, por duke specifikuar faktin se drejtues nuk do të jenë vetëm anëtarë të Partisë Demokratike të Kosovës.
I pari i PDK-së ka bërë të ditur se Vlora Çitaku do të jetë në krye të departamentit për Punë të Jashtme në “Qeverinë në hije”.
Kush është Vlora Çitaku?
Vlora ÇItaku u emërua ambasadore e Kosovës në SHBA më 6 janar 2015.
Ajo ka punuar si gazetare dhe përkthyese për disa media perëndimore gjatë luftës së Kosovës 1998-1999.
Madje, në rolin e përkthyeses, ajo mori pjesë në Konferencën e Rambujesë.
Ajo e filloi karrierën e saj politike në PDK në vitet 1999-2000 si zyrtare e protokollit të Qeverisë dhe zëdhënëse e PDK-së në qeverinë e përkohshme.
Çitaku ka diplomuar në filozofi në Universitetin e Prishtinës dhe ka magjistruar në gazetari në vitin 2007. Ajo ka mbajtur poste të rëndësishme në qeveritë e Kosovës.
Çitaku ka shërbyer si deputete e PDK-së në Kuvendin e Kosovës nga viti 2007 deri në vitin 2010.
Ajo mori postin e udhëheqëses së komunikimit në ekipit negociator të procesit të Ahtisaarit në vitin 2007.
Para se të merrten pozitëm e ambasadores në SHBA, Çitaku shërbeu si Ministre e Punëve të Jashtme nga viti 2007 deri në vitin 2009 dhe si ushtruese detyre e ministres së Punëve të Jashtme nga viti 2009 deri në vitin 2010.
Ajo shërbeu si Ministre e Integrimit Evropian nga viti 2010 deri në vitin 2014. Çitaku ishte negociatorja kryesore për Marrëveshjen e Stabilizim Asociimit nga viti 2013 deri në 2014.
Gjithashtu, Çitaku ishte shefe e misionit diplomatik të Kosovës në Washington.
Ajo u riaktivizua politikisht, duke u rikthyer në PDK, ku pas zgjedhjeve të 2021, ajo mori postin e nënkryetares.
Ndryshe, sot Memli Krasniqi, kryetar i PDK-së, ka prezantuar departamentet kryesore të Qeverisë nën hije të partisë që udhëheq. Por, ende nuk dihen emrat që do të drejtojnë këtë nismë të partisë më të madhe opozitare.
