Kurti tregon detaje nga takimi me Vuçiqin: Bëra ofertë për statut, pala tjetër kërcënoi me përfundim të takimit
Kryeministri Albin Kurti ende po e vazhdon intervistën e tij për RTK-në, mediumin publik të Kosovës, ku e pranoi se ka Asociacion të komunave me shumicë serbe në marrëveshjen e Ohrit.
Tutje, z. Kurti ka treguar se ka bërë edhe ofertë për të hartuar ai një statut, por që pala tjetër kërvënoi me përfundim të takimit.
“Unë kam bërë oferta vazhdimisht, e fundit ishte në pasditën e hershme të 18 marsit, dhe në momentin kur unë bëra ofertë, pala tjetër kërcënoi në një far mënyre me përfundim të takimit. Qartazi kam thënë për statutin se si duhet të rregullohet kjo çështje, unë kam kërkuar prej palës tjetër serbe, që të jenë dakord me tri shtylla, brenda të cilës unë do ta draftoja atë statut se si rregullohet kjo gjë” – deklaroi Kurti.
Kurti vazhdoi tutje, duke treguar edhe më shumë detaje.
“Me datën 18 mars kam thënë “nëse ju jeni dakord me Kushtetutën e Republikës së Kosovës, edhe me aktgjykimin e Gjykatës Kushtetuese, të cilat i ngërthejnë vlerat evropiane, demokratike, universale, në njërën anë, me qëndrimin evropian, edhe kam shkuar më hollësisht kam treguar se cili është ai, dhe me qëndrimin amerikan. Pra tri shtylla: Republika e Kosovës me Kushtetutë dhe vlera, qëndrimi evropain, që është konkret, qëndrimi amerikan, që po ashtu është konkret, në këtë tre-shtyllësh parimor e të drejtë, unë nesër kam thënë që nesër ua sjell juve draftin e statutit, e quajmë qysh të duash” – rrëfeu Kurti.
