Kurti për drejtësi: Vetingu kryesori

Kryeministri i Kosovës, Albin Kurti, ka vazhduar edhe sot t’i numëroj “sukseset” e qeverisë së tij.

Kurti tash e sa ditë, me postime në Facebook, po i numëron një nga një digasteret e tij qeverisëse, ku po i potencon sukseset e digasterëve përkatës.

“Qeveria për drejtësi” e mban emrin, postimi që i kushtohet digasterit të Albulena Haxhiut.

E në numërimin e sukseseve, trasimi i rrugës për Vetingun, e zuri vendin e parë tëk postimi i Kurtit.

Si suksese u përmenden edhe ndryshimi i Kodit Penal, sidomos ashpërsimi i dënimeve për veprat që kanë të bëjnë me dhunë seksuale, Byroja e Konfiskimit të Pasurisë, e cila pritet të vijë në Kuvend, pasi Komisioni i Venecias, ka dhënë dritën e gjelbër.

Votimi i ligjit për Këshillin Prokurorial, është një veprim tjetër i kësaj shumice, të cilin Kurti e cilëson si sukses.

Shkrimi i Kurtit

2022: Qeveria për drejtësi

Kemi qartësuar e trasuar rrugën për zhvillimin e Vetingut në sistemin e drejtësisë, bartës i së cilit do të jetë Kuvendi i Republikës;

Miratuam Strategjinë e Sundimit të Ligjit;

Miratuam Strategjinë Kombëtare për mbrojtje nga dhuna në familje dhe Planin e veprimit për vitet 2022-2026;

Lansuam Protokollin Shtetëror për Trajtimin e rasteve të Dhunimeve Seksuale;

Ndryshuam Kodin Penal për dënime plotësuese ndaj atyre që shpallen fajtor për dhunim seksual dhe dhunë në familje;

Komisioni i Venecias i ka aprovuar ndryshimet për Projektligjin për Byronë Shtetërore për verifikimin dhe konfiskimin e pasurisë së pajustifikueshme;

Është miratuar në Kuvend Projektligji për Këshillin Prokurorial të Kosovës;

Janë miratuar në lexim të parë Projektligji për Prokurorin e Shtetit dhe ai për Prokurorinë Speciale;

Është miratuar në lexim të parë Projektligji për Themelimin e Institutit për adresimin e krimeve të kryera gjatë luftës;

Miratuam Planin e Veprimit për zbatimin e projektit “Memoriali për fëmijët e vrarë gjatë luftës 1998-99 në Kosovë”.