Kurti: Në agjendën për vitet 2026-2028, prioritet Byroja për Konfiskimin e Pasurisë dhe çmimet tavan

Gjatë mbledhjes së qeverisë u miratua edhe shqyrtimi i projekt-programit të Projektligjeve për vitet 2026 – 2028.

Kryeministri Albin Kurti, tha se në kuadër të agjendës legjislative, do të prioritetizohen projektligji për çmimet tavan si dhe ai i Byrosë Shtetërore.

“Në kuadër të agjendës legjislative do të prioritetizojmë për vitet 2026-2028, procedimin e projektligjit për Byronë Shtetërore për Konfiskimin e Pasurisë të Pajustifikuesheme dhe projektligjin për Çmimet Tavan, të cilat do t’ia përcjellim Kuvendit”, tha Kurti.