Kurti: Heshtja e ndërkombëtarëve nuk kontribuon deeskalimit të situatës në veri

Kryeministri Albin Kurti nuk i ka ndalur kritikat ndaj heshtjen së ndërkombëtareve për veprimet e Serbisë ndaj Kosovës.

Ai ka thënë se ndërkombëtaret është dashur ta dënojnë Serbinë për kidnapimin e tre policëve në veri.

Sipas tij, ata po hezitojnë t`i quajnë gjerat me emrat e tyre të vertetë.

Kjo qasje, ka thënë Kurti, nuk i ndihmon shtensionimit të situatës në veri të vendit.

“Heshtja e shumicës së faktorit ndërkombëtar është e paarsyeshme dhe e dëmshme. Nuk i kontribuon as de-eskalimit e as normalizimit. Meqenëse çfarëdolloj hezitimi për t’i quajtur gjërat dhe zhvillimet me emrat e tyre të vërtetë, nga regjimi autokratik në Beograd do të merret si frikë ose do të merret si dobësi”, ka thënë Kurti në një intervistë për Klan Maqedonia.