Krerët e UÇK-së shfaqen fizikisht në seancë: Kështu duken Thaçi dhe të tjerët

Sot po mbahet një konferencë përgatitore për rastin e krerëve të UÇK-së në Dhomat e Specializuara të Hagës.

Pas një kohe, fizikisht në sallën e gjykimeve janë shfaqur katër të akuzuarit.

Hashim Thaçi, Kadri Veseli, Rexhep Selimi e Jakup Krasniqi po marrin pjesë në këtë seancë.

Kamera e Gjykatës Speciale ka fokusuar Thaçin, Selimin e Krasniqin, dhe Nacionale sjell pamje si duken ata.

Në këtë seancë pritet të diskutohen të gjitha detajet për ta nisur sa më shpejtë procesin gjyqësor.