KQZ-ja akrediton edhe grupin e dytë të vëzhguesve për “referendumin” e 21 prillit në veri
Komisioni Qendror i Zgjedhjeve (KQZ) ka akredituar sot edhe 112 vëzhgues që do ta përcjellin “referendumin” e 21 prillit në veri, ku do të votohet për largimin ose jo të kryetarëve të katër komunave veriore.
Ky është grupi i dytë i vëzhguesve që akreditohen nga KQZ-ja.
Deri me tani janë akredituar 130 vëzhgues, të cilët janë nga mediat, organizata qeveritare dhe përfaqësi të ndryshme diplomatike.
Në mbledhjen e sotme, KQZ-ja ka marrë vendim për numrin e fletëvotimeve që do të shtypen për procesin e votimit më 21 prill në katër komunat veriore.
KQZ-ja ka vendosur që të shtypen 40,000 fletëvotime për këtë proces./EO/