Komandanti Ristuccia: Në veri trupat e KFOR-it shmangën një masakër, i shpëtuam 15 policë
Komandati i KFOR-it Angelo Michele Ristuccia, në një intervistë për mediumin italian “Agi” ka folur për përplasjet me protestuesit serbë më 29 maj në Zveçan, duke thënë se atë ditë është shmangur një masakër dhe janë shpëtuar 15 policë të Kosovës.
"Falë profesionalizmit të njerëzve tanë nga e gjithë KFOR-i, të cilët u përgatitën në mënyrën më të përshtatshme dhe që zbatuan rregullat e angazhimit në mënyrën më korrekte, u shmang një masakër. Ne arritëm të ndajmë dy largohen dhe shpëtojnë 15 policë të bllokuar në turmë." – ka thënë fillimisht ai.
"Arsyeja pse situata nuk u përshkallëzua (më 29 maj, red.) ishte fakti që ishim të përgatitur shumë mirë. Ushtarët tanë vepruan shumë, shumë profesionalisht. Dhe dëshiroj të shpreh mbështetjen time të plotë për të plagosurit tanë dhe familjet e tyre. Ata vepruan aq profesionalisht, saqë mundën të menaxhonin forcën që të mos përshkallëzohej situata, kështu shpëtuam 15 policë të Kosovës, penguam të dy palët të përplaseshin, përndryshe do të duhej të merreshim me një problem tjetër krejtësisht të ndryshëm.” – ka thënë ai.
Më tej, komandati i KFOR-it ka thënë se shumica e njerzëve protestuan në mënyrë paqësore, por një numër i vogël ishin të dhunshëm.
"Unë theksoj se shumica e njerëzve demonstruan në mënyrë paqësore . Ky akt frikacak i dhunës kundër ushtrisë sonë u krye nga një numër i vogël ngatërrestarësh të dhunshëm që përdorën çdo mjet për të bërë dëm, përdorën mjete ofendimi deri në kufirin vdekjeprurës.” – ka thënë ai.
Tutje ai ka thënë se problemi është politik, teksa ka bërë thirrje ndaj Kosovës dhe Serbisë që të kthehen në tavolinën e bisedimeve dhe të shmangin çdo retorikë të panevojshme, pasi sipas tij, kjo është rruga e vetme për të de-përshkallëzuar situatën në veri.
