Kica-Xhelili: Që kur po e sheh Qeveria vetën mbi Kushtetutën?
Deputetja e Lidhjes Demokratike të Kosovës, Doarsa Kica-Xhelili ka reaguar në lidhje me deklaratat e Qeverisë rreth dërgimit të ligjeve nga opozita në Gjykatën Kushtetuese.
Kica-Xhelili përmes një shkrimi në llogarinë e saj në Facebook, ka pyetur se “që kur po e sheh Qeveria vetën mbi Kushtetuese?”.
“Mendësia që duke u dërguar ligjet në Gjykatë Kushtetuese po pengohen reformat është gabim dhe madje e rrezikshme.” – ka thënë ajo tutje.
Në fund, Kica-Xhelili ka thënë: “Kjo i bie që me vetëdije kërkohet shkelja e Kushtetutës.”
Postimi i plotë:
Që kur po e sheh Qeveria veten mbi Kushtetutën?!
Kushtetutshmëria e ligjeve vendore është obligim. Jo diskrecion i Qeverisë!
Vet koncepti i kushtetutshmërisë flet për kufizim të autorizimeve të Qeverisë. Kjo siguresë ka qenë dhe mbetet atributi më i fortë i sistemeve demokratike parlamentare.
Problem duhet të jetë fakti që po shtyejnë përpara kaq shumë ligje kundërkushtetuese.
Mendësia që duke u dërguar ligjet në Gjykatë Kushtetuese po pengohen reformat është gabim dhe madje e rrezikshme.
Kjo i bie që me vetëdije kërkohet shkelja e Kushtetutës. Është pikërisht mendësia që po e përsëris në vazhdimësi që duhet ta luftojmë.
