Kearns: Qytetarët e Kosovës kanë të drejtë të jetojnë në paqe, siguri dhe dinjitet

Deputetja britanike Alicia Kearns është shprehur tejet falënderuese pasi u nderua me Medaljen Presidenciale të Meritave për mbështetjen e saj të vazhdueshme ndaj paqes dhe sovranitetit të Kosovës. Ajo e ka cilësuar këtë dekoratë si një nder të veçantë dhe një përgjegjësi shtesë për të vazhduar angazhimin e saj në mbrojtje të të drejtave të qytetarëve të Kosovës.

Në shkrimin e saj në X, Kearns tha se përkrahja e saj për Kosovën ka qenë gjithmonë e udhëhequr nga bindja se qytetarët e vendit kanë të drejtë të jetojnë në paqe, siguri dhe dinjitet.

Ajo shtoi se bashkësia ndërkombëtare ka detyrim të qëndrojë krah për krah me aleatët që përballen me irredentizëm dhe ambicie imperialiste.

Postimi:

Ishte një nder i vërtetë të marr Medaljen Presidenciale të Meritës për mbështetjen time për paqen dhe sovranitetin e Kosovës.

Mbështetja ime për Kosovën gjithmonë është udhëhequr nga bindja se qytetarët e saj kanë të drejtë të jetojnë në paqe, siguri dhe dinjitet, dhe se ne kemi detyrimin të qëndrojmë fort krah aleatëve tanë që përballen me irredentizëm dhe ambicie imperialiste.

Shumë veteranë vendas kanë shërbyer në Kosovë, dhe vendosmëria ime forcohet nga vendimi që të mos lejoj që shërbimi i tyre të mbetet i kotë.