Importi i energjisë elektrike u rrit me 19% në tetor 2025
Agjencia e Statistikave të Kosovës ka publikuar sot statistikat e energjisë për muajin tetor 2025, të cilat tregojnë një rritje të konsiderueshme të konsumit të energjisë elektrike.
Sipas të dhënave të publikuara, konsumi i energjisë elektrike në tetor 2025 arriti në 458.17 GWh, duke shënuar një rritje prej 16.96% krahasuar me të njëjtën periudhë të vitit të kaluar.
Sektori i amvisërisë vazhdon të jetë konsumatori më i madh, duke përbërë 58.4% të totalit, i ndjekur nga sektori komercial me 25.7% dhe industria me 11.0%.
Në anën tjetër, prodhimi i thëngjillit ka pësuar rënie. Në tetor 2025 janë prodhuar 616.33 mijë ton thëngjill, që paraqet një rënie prej -14.77% krahasuar me tetorin e vitit 2024.
Për të mbuluar kërkesën në rritje, Kosova ka rritur importin e energjisë elektrike.
- Importi: 302.76 GWh (rritje prej 19.00%).
- Eksporti: 238.47 GWh (rënie prej -4.79%).
