Hovenier takon Maqedoncin: ShBA në mbështetje të tranzicionit 10 vjeçar të FSK
Pas takimit me Komanadntin e KFOR-it, Ministri i Mbrojtjes, Ejup Maqedonci është takuar edhe me ambasadorin amerikan në Prishtinë, Jeffrey Hovenier, ku ky i fundit dha mbështetjen e plotë të Shteteve të Bashkuara të Amerikës për tranzicionin dhjetë-vjeçar të FSK-së në ushtri, periudhë kjo e paraparë deri në vitin 2028.
Hovenier e quajti “kënaqësi” takimin me Maqedoncin derisa shtoi se mezi pret të vijojë bashkëpunimin dhe partneritetin.
“Kënaqësi të takoj Ministrin e Mbrojtjes Ejup Maqedoncin këtë pasdite. Pres që vazhdoj bashkëpunimit tonë të ngushtë dhe partneritetin, në veçanti në mbështetje të tranzicionit 10 vjeçar të Forcës së Sigurisë së Kosovës, në një forcë multi-etnike që ndërvepron me NATO-n për mbrojtje territoriale”, ka shkruar Hovenier.
Pleasure to meet new Minister of Defense Ejup Maqedonci this afternoon. I look forward to continuing our close cooperation and partnership, especially in support of the KSF's 10 year transition into a multi-ethnic, professional, NATO-interoperable territorial defense force. pic.twitter.com/tDMK7r1Xzt
— Ambassador Jeff Hovenier (@USAmbKosovo) August 21, 2023
