Hovenier e takon Bogujevcin pas fjalimit frymëzues, e përgëzon për guximin
Ambasadori i Shteteve të Bashkuara në Kosovë, Jeff Hovenier, është takuar me nënkryetaren e Kuvendit të Kosovës, Saranda Bogujevci.
Duke njoftuar takimin e tyre në Twitter, Hovenier e ka përgëzuar Bogujevcin për lidershipin dhe guximin e saj.
”Gjithmonë kam kënaqësi të takohem me miken time, nënkryetaren e Kuvendit të Kosovës, Saranda Bogujevci. E përgëzova për lidershipin e guximin e saj dhe vlerësova perspektivat e saj domëthenëse për çështje kyçe,”- ka shkruar ambasadori amerikan.
Always a pleasure to meet with my friend, Deputy Speaker of the Kosovo National Assembly Saranda Bogujevci. Commend her for her leadership & bravery, and appreciated receiving her insightful perspectives on key issues. pic.twitter.com/QsqyKuMF4d
— Ambassador Jeff Hovenier (@USAmbKosovo) March 13, 2023
Kujtojmë se nënkryetarja e Kuvendit të Kosovës, Saranda Bogujevci është përballur me reagime të shumta fyese e seksiste, pas një debati në Parlamentin e Kosovës me 9 mars, ku u diskutua për të drejtat e grave për të lindur fëmijë përmes asistencës mjekësore.
