Historianët e Deçanit: Nëse Kraja nuk jep dorëheqje, ai duhet të shkarkohet
Kryesia e Lidhjes së Historianëve të Kosovës “Ali Hadri” dega në Deçan ka kërkuar shkarkimin e kryetarit të Akademisë së Shkencave dhe Arteve të Kosovës, Mehmet Kraja.
Përmes një deklarate për me medie, historianët e Deçanit kanë vlerësuar se analiza e fundit e Krajës ishte tepër e dëmshme dhe tendencioz.
Sipas tyre, kryeakademiku ka keqpërdorur pozitën e kreut të Akademisë së Shkencave, kur ka lëshuar një qëndrim të tij në emër të institucionit që e drejton.
“Ne, konsiderojmë së kur lëshohet një qëndrim i Akademisë së Shkencave, ai duhet të jete i qëndrueshëm, i punuar nga ekspertet me të mira të fushave të ndryshme dhe jo të lëshohet i niveleve gazetareske dhe amatoreske. Kryesia e LHK “Ali Hadri” dega në Deçan, kërkon që pas publikimit të këtij dokumente pa miratimin e organeve të Akademisë së Shkencave, kreu i saj duhet të jap dorëheqje”, është thënë në deklaratë.
Sipas tyre, nëse Kraja nuk jep dorëheqje, ai duhet të shkarkohet.
“I kujtojmë kreut të Akademisë së Shkencave se ai për disa vite ka qenë edhe redaktor i revistës ushtarake “Narodna Armija”, e siç dihet nga e kaluara ata që kanë marrë pozita në institucionet e rëndësishëm shtetërore është dashur të kalojën nëpër filtra shtetërore. Kryesia e LHK “Ali Hadri” dega në Deçan, thekson së nëse kreu i Akademisë së Shkencave, nuk jep dorëheqje, atëherë duhet të vihet në veprim Kuvendi i Akademisë së Shkencave, dhe të e shkarkoj nga detyra e kryetarit të Akademisë, Mehmet Krajen”, ka vlerësuar kryesia e LHK “Ali Hadri” dega në Deçan.
