Heqja e masave ndaj Kosovës, BE-ja: S’ka asgjë të re, vazhdojnë diskutimet

Që nga qershori i vitit të kaluar, Bashkimi Evropian ka vendosur masa ndëshkimore ndaj Kosovës, pas lëvizjeve dhe zhvillimeve në veri.

Ato masa ende nuk janë hequr. Madje, në një përgjigje për Telegrafin, BE-ja e ka qartësuar se nuk ka asgjë të re në këtë drejtim.

“Nuk ka asgjë të re për t’i shtuar asaj që kemi komunikuar në javët e kaluara – diskutimet për heqjen e masave për Kosovën vazhdojnë mes shteteve anëtare në Këshill”, thuhet në përgjigjen e BE-së për Telegrafin.