Haradinaj para seancës: Besoj që do ta mbështesim ecjen përpara

Kryetari i Aleancës për Ardhmërinë e Kosovës, Ramush Haradinaj ka thënë se nuk ka arsye që të bllokohet sërish seanca.

“Nuk ka arsye me mbet e bllokume dhe e me u vonu prap.

Qëllimi i opozitës është mos me pengu ecjen përpara të konstituimit të seancës” – tha ai, transmeton Nacionale.

Ndërsa gazetarët tentuan të bëjnë pyetje, Haradinaj theksoi se do ta mbështesin ecjen përpara.

“Për detaje mos të bëhem zëdhënës i krejt opozitës, por po besoj që do të mbështesim ecjen përpara.

S’muj me siguru që opozita do të votojë, por ekziston mundësia me e shty përpara procesin” – u shpreh deputeti.