Gjinovci: Nuk është dashtë më shty asnjë ditë punën e targave
Aktivisti i shoqërisë civile, Rron Gjinovci, ka deklaruar se nuk është dashtë asnjë ditë me shty çështjen e targave.
Gjinovci në Facebook ka shkruar se Institucionet e Kosovës duhet me i zbatu ligjet.
“Asnjë ditë ma tepër nuk u dashtë me e shty punën e targave. Asnjë lëshim tjetër nuk duhet me bo shteti i Kosovës ndaj tekeve të Serbisë. Institucionet e Kosovës duhen me i zbatu ligjet. Zgjedhje aty ku ka nevojë. Polici aty ku ka nevojë. Ndihma për serbët e terrorizum nga bandat”, ka shkruar ai.
Ky reagim i Gjinovcit ka ardhur pas zhvillimeve të fundit që kanë ndodhur në Veriun e Kosovës, ku serbët kanë dhënë dorëheqje nga pozitat e tyre në Institucionet e Kosovës.
