Gërvalla pret që pas zotimit për Asociacion, KiE ta ftojë Kosovën për t’u bashkuar

Ministrja e Punëve të Jashtme, Donika Gërvalla, pret që Këshilli i Evropës, të përmbushë detyrimin dhe të pranojë Kosovën.

Gërvalla në konferencë për medie pas dërgimit të letrës në KiE, ka thënë se me zotimin e Kosovës duhet që KiE të përmbushë pjesën e saj.

“Pas konkretizimit të sotëm, të zotimit tonë, kërkojmë dhe presim nga KiE që t përmbushë pjesën e vet të detyrimit dhe ta ftojë Kosovën për t’iu bashkuar pa vonesë KiE-së, jo vetëm si vendi me më së shumti kushti, por i cili ka përmbushur këto kushte.” – ka thënë ajo.

Kujtojmë se Gërvalla ka dërguar në KiE një letër ku zotohet se Kosova do të përgatisë një statut të Asociacionit dhe do të dërgojë në Kushtetuese.