Frashër Krasniqi: Ky është veç fillimi i protestave kundër Asociacionit
Aktivistët e Partisë Socialdemokrate e kanë gjuajtur sonte kryeministrin Kurti me qershi.
Teksa kryeministri po hynte në ish-objektin e Rilindjes, ku është Ministria e Drejtësisë, është pritur nga disa aktivistë të PSD-së.
Zyrtari i PSD-së, Frashër Krasniqi, përmes një postimi në llogarinë e tij në Facebook, ka shkruar se ky është veç fillimi i protestave dhe aksioneve kundërshtuese kundër Asociacionit.
Postimi i plotë:
Qershitë që i kishte urinuar kthyem Albin Kurtit. U mundua të futet tinza në tubim, nga dera e pasme e ndertesës së Qeverisë, por e zumë.
Ky është veç fillimi i aktiviteteve e protestave kundër Asociacionit dhe marrëveshjeve të dëmshme që po na i sjellë.