Fotografi i kryeparlamentarit Konjufca është arrestuar nën dyshimin për dhunë në familje
Fotografi i kryeparlamentarit Glauk Konjufca është arrestuar nga Policia e Kosovës nën dyshimin për veprën penale “Dhuna në familje”, raporton Kallxo.com.
Sipas burimeve të mediumit, fotografi në fjalë është Gerolld Nikoliqi, i cili së fundi ka shërbyer në kabinetin e Glauk Konjufcës, ndërsa më herët ishte fotograf në Lëvizjen Vetëvendosje.
Nikoliqi mësohet se ka ushtruar dhunë ndaj viktimës në gjendje të dehur.
“Është arrestuar i dyshuari mashkull kosovar, pasi që në gjendje të dehur ka ushtruar dhunë ndaj viktimës femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje” - thuhet në raport.
