Falet namazi i Kurban Bajramit në Kosovë
Besimtarët myslimanë në Kosovë sot festojnë Kurban Bajramin.
Manifestimi qendror i faljes së Kurban Bajramit është mbajtur në Xhaminë e Madhe në Prishtinë.
Me këtë rast, myftiu i Kosovës, Naim Tërnava, ka bëri thirrje që besimtarët zemrat e tyre t`i pastrojnë nga urrejtja, përçarja e egoizmi.
“Sot në këtë mëngjes të bukur të kësaj dite madhështore, miliona besimtarë nga të gjitha anët e botës janë mbledhur në tokën e bekuar të Mekës, duke iu përgjigjur thirrjes së përjetshme të Ibrahimit, për të dëshmuar unitetin, barazinë edhe devotshmërinë e besimit islam. Në mesin e tyre ndodhen edhe haxhinjë nga Kosova”, ka thënë Tërnava.
Tujtje, ai ka bërë thirrje për forcimin e lidhjeve familjare.
“Andaj në këtë ditë të bekuar, të pastrojmë zemrat tona nga urrejtja, përçarja dhe egoizmi. Le të forcojmë lidhjet familjar e shoqërore, të ndihmojmë nevojtarët e të bëhemi njerëz të paqes”, është shprehur ai.
Në adresimi e tij, i pari i BIK-ut ka folur edhe për krizën politike në vend.
Sipas tij, mbajtja e zgjedhjeve të njëpasnjëshme në Kosovë po humb besimin e popullit në politikë.
“Jostabiliteti politik ka lodhur popullin tonë dhe ka shqetësuar aleatët tanë”, ka deklaruat ai.
Festa e Kurban Bajramit vjen pas përfundimit të haxhit i cili është një nga pesë shtyllat e fesë Islame.
Pjesë e kësaj feste është edhe rituali i therjes së kurbanit që është traditë nga i dërguari Ibrahim.
Therja e kurbanit është një shprehje përkushtimi, sakrifice, sinqeriteti dhe nënshtrimi ndaj vullnetit të Zotit
