Erdogan: 912 persona kanë vdekur, mbi 5 mijë të lënduar
Presidenti i Turqisë, Rexhep Erdogan, ka dhënë detaje të reja për tërmetin e tmerrshëm që goditi Turqinë jugore.
Erdogan ka bërë të ditur se deri më tani 912 persona kanë vdekur dhe 5 mijë e 383 të tjerë janë lënduar, raporton BBC.
Ai ka thënë se nuk mund të parashikojë nëse mund të rritet numri i viktimave, por ka theksuar se përpjekjet e kërkim-shpëtimit vazhdojnë.
Turqia është njëra prej zonave më aktive të tërmetit në botë, për shkak të pozitës gjeografike.
Shumica e Turqisë ndodhet në pllakën tektonike të Anadollit, e cila ndodhet mes pllakave të mëdha – euroaziatike dhe afrikane – si dhe mes një të vogle, arabike. Derisa dy pllakat e mëdha lëvizin, Turqia shtrydhet, thonë ekspertët.
Kjo nënkupton se tërmetet janë shumë të zakonshme në Turqi. Sipas Autoritetit për Menaxhimin e Fatkeqësive dhe Emergjencave të Turqisë, në vitin 2022 u regjistruan hiç më pak se 22 mijë tërmete në Turqi.
Shumica e tërmeteve në këtë vend janë vdekjeprurëse. Tërmeti më i madh që e kishte goditur Turqinë deri sot ishte 7.6 ballësh në Izmit më 1999, duke i vrarë 17 mijë njerëz.
Tërmeti që goditi mëngjesin e sotëm, 7.8 ballësh, është më i madh që është regjistruar ndonjëherë në Turqi.
