E konfirmon avokati i ish-këshilltarit të Thaçit: Bastisja nga Gjykata Speciale po vazhdon

Është konfirmuar bastisja në banesën e ish-këshilltarit të Hashim Thaçit nga Gjykata Speciale.

Bastisjen e ka konfirmuar për gazetën Nacionale avokati i Adil Behramajt, Artan Qerkini.

Ai ka thënë se bastisja po vazhdon, dhe se arsyet e bastisjet do të tregohen në fund.

“Bastisja është duke vazhduar. Unë kam qenë aty, tash e kam një përfaqësues timin. Arsyet i tregojmë në fund”, tha Qerkini.

Adil Behramaj ka qenë këshilltar i ish-presidentit të Kosovës, Hashim Thaçi.

Në anën tjetër, Prokuroria e Specializuar nuk ka pranuar të ofrojë komente për këtë temë.