Dodik si shefi i tij Vuçiq, vazhdojnë me propagandë për sulmin terrorist në veri

Lideri serb i Bosnjës, Milorad Dodik, ka vazhduar me propagandën për sulmin terrorist në veri të vendit nga një grup kriminal, ku mbeti i vrarë një polic dhe u plagosën dy të tjerë.

Dodiku i ka shprehur mbështetje presidentit serb, Aleksandar Vuçiq.

Aleksandar Vuçiq / “Ku i kanë marrë uniformat dhe armët” – Si u kap Vuçiq dje me gazetaren që e zuri ngushtë në konferencë

Ai ka sulmuar bashkësinë ndërkombëtare të cilët i ka quajtur hipokritë.

"Unë e mbështes plotësisht presidentin Aleksandër Vuçiq dhe udhëheqjen e Serbisë në menaxhimin e matur dhe korrekt të kësaj situate krize në Kosovë. Të gjitha këto ngjarje tregojnë hipokrizinë e bashkësisë ndërkombëtare, e cila mbështet lëvizjet e Albin Kurtit për të fajësuar serbët dhe Serbinë për situatën në Kosovë. Besoj se masat e paralajmëruara që do të ndërmerren nga lidershipi i Serbisë do të jenë në interes të paqes dhe stabilitetit për Serbinë dhe popullin serb. Unë përkrah popullin tonë në Kosovë, të cilët janë duke pësuar një terror të madh dhe e di që është e vështirë të qëndrosh i qetë dhe i qetë, por është e nevojshme në këtë kohë. I shpreh ngushëllimet e mia familjeve të të vrarëve në konfliktet në Kosovë.” – ka shkruar Dodiku në “X”.