Reagon djali i ish-presidentit Thaçi, rendit arritjet e babait – pyet për ato të Kurtit

Endrit Thaçi, djali i ish-presidentit Hashim Thaçi, ka shpërndarë një postim në Instagram që përfshin një fotografi të babait të tij, i cili aktualisht ndodhet në paraburgim për shkak të akuzave nga Gjykata Speciale.

Kjo pas një deklarate të kryeministrit Albin Kurti, i cili ka thënë se “Në veri jemi të hendikepuar pasi ushtria jonë, që nga zotimi i Thaçit në 2013, s'mund të shkojë në veri e atje s'është situata si në pjesë të tjera të vendit tonë..."

Në postimin e tij, Endriti ka renditur arritjet e babait të tij, ndërsa pyeti për arritjet e Kurtit.