Dërgohet në mbajtje për 48 orë i dyshuari për vrasjen e ish-bashkëshortes së tij në Ferizaj
I dyshuari për vrasjen e ish-bashkëshortes së tij në Ferizaj është dërguar në mbajtje për 48 orë.
Lajmi është konfirmuar nga Prokuroria Themelore në Ferizaj, ku është bërë me dije se inicialet e dorasit janë V.A.
“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48-orësh për shkak të dyshimit të veprës penale “Vrasja” sipas Kodit Penal të Republikës së Kosovës.” – thuhet në njoftim.
“Brenda afatit ligjor, ndaj të njëjtit, Prokuroria Themelore në Ferizaj, do të parashtroj kërkesë për caktimin e masës së paraburgimit për veprën penale të lartcekur.” – bëhet e ditur tutje.
Dorasi ka lënë të plagosur edhe një 15 vjeçar, vëllanë e viktimës.