Demolohet një lokal në Prishtinë
Një lokal është demoluar në rrugën “Rexhep Luci” në kryeqytet.
Zëdhënësja e policisë për rajonin e Prishtinës, Flora Ahmeti, e ka konfirmuar lajmin për Nacionale.
Sipas zëdhënëses, ngjarja raportohet të ketë ndodhur rreth orës 21:30.
"Sot rreth orës 21:30, kemi pranuar informatën për demolimin e një lokali në rrugën "Rexhep Luci", në Prishtinë. Menjëherë njësitet e nevojshme policore kanë dalë në vendin e ngjarjes dhe në koordinim me prokurorin e shtetit kanë nisë një hetim për ndriçimin e plotë të kësaj ngjarje." - ka thënë Ahmeti.
