Çitaku: Bllokada e institucioneve mban emrin e Albin Kurtit dhe Albulena Haxhiut
Deputetja e Partisë Demokratike të Kosovës, Vlora Çitaku ka thënë se bllokada e institucioneve të vendit mban emrin e Albin Kurtit dhe Albulena Haxhiut.
Kjo pasi Kuvendi dështoi të konstituohet për herën e 22-të.
“Fatkeqësisht edhe sot Kuvendi dështoi të konstituohet. Bllokada e institucioneve ka emrin e Albin Kurtit dhe Albulena Haxhiut.
Bëjmë ftesë për reflektim, qytetarët na kanë votuar për t’i adresuar problemet dhe sfidat e tyre, e jo për të përmbushur egot dhe kryeneqësinë.
Kosova është më e madhe se secili prej nesh” – tha ajo.
