Cakolli: Shkarkimi i rektorit vazhdimësi e luftës kundër arsimit cilësor
Eugen Cakolli nga KDI ka reaguar ndaj shkarkimit të rektorit të Universitetit të Prishtinës “Hasan Prishtina”, Naser Sahiti.
Në profilin e tij në “Facebook”, ai ka shkruar se shtatë vite më parë ishte shkarkuar një rektor i UP-së, duke shtuar se shkarkimi i rektorit sot është vazhdimësi e luftës kundër arsimit cilësor.
“Edhe fiks sot shtatë vite më parë ishte shkarkuar një rektor i UP-së, pikërisht pse synonte integritet akademik – e që i pengonte shumëkujt, sidomos politikës. Ata që e kanë katandisur arsimin në këtë situatë janë konsistentë në këtë qëllim. Prandaj edhe shkarkimi i rektorit sot nuk është koicidencë. Është thjesht vazhdimësi e luftës kundër arsimit cilësor.”, ka shkruar Cakolli.
