Borrell arrin në Tiranë, thotë se është shumë i lumtur dhe e qet në foto statujën e Skënderbeut
Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka arritur në Tiranë.
Borrell shkroi në një postim në Twitter se është i gëzuar që e nisi ditën në kryeqytetin e Shqipërisë.
“I lumtur që po e nis ditën time në Tiranë ku do të mbajmë Këshillin e Stabilizim Asocimit me kryeministrin Edi Rama historikisht për herë të parë në Shqipërië. Kjo reflekton qartë përkushtimin e Shqipërisë për anëtarësim në BE dhe vlerësimin për orientimin e saj strategjik po ashtu në Politikë të Jashtme,” – shkroi kryediplomati evropian.
Ai postimin e shoqëroi me një fotografi të Tiranës, ku shihet statuja e heroit tonë kombëtar Skënerbeut.
Kujtojmë se dy ditë më vonë do të kemi edhe takimin e madh të Ohrit mes Kosovës dhe Serbisë, ku pritet të jetë i pranishëm edhe kryediplomati Borrell.
Glad to start my day in Tirana where we will hold the Stabilisation & Association Council with PM @ediramaal - historically for the 1st time in Albania. This reflects clear commitment to Albania’s EU accession and appreciation for its strategic orientation also on Foreign Policy pic.twitter.com/x2Erc8xAsi
— Josep Borrell Fontelles (@JosepBorrellF) March 16, 2023
