Bislimi: Tani duhet të vazhdojnë për normalizimin e plotë të marrëdhënieve

Zëvendëskryeministri i Kosovës Besnik Bislimi, ka reaguar pas arritjes së marrëveshjes për targat.

Në një postim në Twitter, Bislimi ka shkruar se bisedimet duhet të vazhdojnë për normalizimin e plotë të marrëdhënieve.

“Pas marrëveshjes së sotme, ne duhet të vazhdojmë bisedimet tona intensive për propozimin e BE-së, të mbështetur nga Gjermania dhe Franca, për normalizim të plotë të marrëdhënieve”, tha ai.

Arritja e marrëveshjes është konfirmuar nga kryediplomati evropian i Politikës së Jashtme, Josep Borrell.

“Me kënaqësi ju njoftoj se kryenegociatorët e Kosovës dhe të Serbisë, nën lehtësimin e BE-së, kanë rënë dakord për masat, për të shmangur përshkallëzimin e mëtejshëm dhe për t'u përqendruar plotësisht në propozimin për normalizimin e marrëdhënieve mes tyre”, ka shkruar Borrell.