Biden thotë se ndihma fillestare ushtarake e ShBA-së është 'në rrugën drejt Izraelit'

Joe Biden i ka thënë kryeministrit izraelit, Benjamin Netanyahu, të dielën se "ndihma shtesë për Forcat e Mbrojtjes izraelite tani është në rrugën e saj për në Izrael", raporton The Guardian.

Pas telefonatës mes dy liderëve, Shtëpia e Bardhë lëshoi një deklaratë, duke thënë:

“Presidenti shprehu dhimbjen e thellë për të gjithë të zhdukurit, të plagosurit dhe të vrarët dhe premtoi mbështetjen e tij të plotë për qeverinë dhe popullin e Izraelit përballë një sulmi të paprecedentë dhe të tmerrshëm nga terroristët e Hamasit.

Ata diskutuan marrjen e pengjeve nga terroristët e Hamasit, duke përfshirë familje të tëra, të moshuar dhe fëmijë të vegjël.”