Biden: Qëndrojmë me Izraelin, s’ka justifikim për terrorizmin
Luftimet mes Izraelit dhe Hamasit po vazhdojnë edhe në ditën e katërt. Pak më parë, Joe Biden, presidenti i ShBA-së, ka folur sërish në lidhje me luftimet në Izrael.
Biden ritheksoi se ShBA-ja e mbështesin Izraelin.
"Le të mos ketë asnjë dyshim: Shtetet e Bashkuara e mbështesin Izraelin. Ne do të sigurohemi që shteti hebre dhe demokratik i Izraelit të mund të mbrojë veten, sot, nesër, siç kemi bërë gjithmonë. Është kaq e thjeshtë." – deklaroi Biden, transmeton BBC.
“Në këtë moment, ne duhet të jemi të qartë. Ne qëndrojmë me Izraelin. Ne qëndrojmë me Izraelin.” – deklaroi ai.
Tutje, presidenti i ShBA-së vlerësoi se nuk ka justifikim për terrorizmin.
“Nuk ka asnjë justifikim për terrorizmin. Hamasi nuk mbështet të drejtën e popullit palestinez për dinjitet, ata përdorin civilët palestinezë si mburoja njerëzore.” – shtoi presidenti i SHBA-ve.
