Azemi i LDK-së për arrestimin e Mujecit: Narko-banda e VV-së nuk kalon!
Visar Azemi nga Lidhja Demokratike e Kosovës e ka komentuar arrestimin e Besnik Mujecit, asamblist i VV-së, i cili u arrestua nga Policia e Shqipërisë nën dyshimin për trafikim të drogës.
Në analizën e tij, Azemi ka përmendur edhe disa raste të tjera, të cilat dyshohen për korrupsion, si ai i Nagip Krasniqit, Martin Berishajt e Rozeta Hajdarit.
Sipas Azemit, Mujeci nuk ka qenë vetëm një aktivist i VV-së.
“Dikush do të thoshte: Ani de, është thjesht një aktivist. Jo! Është një asamblist që ka marrë vota me i përfaqësu qytetarët e kryeqytetit. Është asamblisti që Vetëvendosja e ka caktu aksionar në ndërmarrjen e Stacionit të Autobusëve në Prishtinë. A thua pse bash aty? A mos mbase me u siguru për transportim më të lehtë të drogës nga Tirana në Prishtinë? Sigurisht. Pse, a mos bëhej fjalë për ndonjë ekspert apo dikë të specializuar? Jo, thjesht një militant që më shumë si tifoz i klubit të Prishtinës dhe Vetëvendosjes, paska qenë dashamirës i narkotikëve dhe i parave të pista nga tregtia e tyre.” – shkroi ai.
Azemi shkruan se “narko-banda” e VV-së nuk kalon.
“Organet e drejtësisë duhet t'i shkojnë deri në fund këtij rasti. Të hetohet se a bëhet fjalë veç për këtë bandë të vogël apo ka banditë më të mëdhenj droge pas tyre. Kurse qytetarët duhet ta kuptojnë se as Prishtina e as Kosova s'guxon të mbetet në duar të banditave që tregtojnë drogë dhe e duan këtë vend narko-shtet. Narko-banda e VV-së nuk kalon!” – shkruan ai.
