Aspak befasuese: Lista Serbe merr pjesë në “Kuvendin gjithëserb” në Beograd
Sot në Beograd është duke u mbajtur një mbledhje e ashtuquajtur si “Kuvendi gjithëserb”.
Siç raporton Radio Evropa e Lirë, kjo mbledhje është karakterizuar me lutje për Serbinë e Republikën Serbe e me deklarata politike e folkor.
Në këtë mbledhje, që për moto kishte “Një komb, një kuvend – Serbia dh Sërpska”, janë duke marrë pjesë edhe përfaqësues të Listës Serbe.
Përveç tyre, pjesë e këtij takimi janë edhe presidenti i Serbisë, Aleksandar Vuçiq, presidenti i Republikës Sërpska në Bosnje dhe Hercegovinë, Milorad Dodik dhe përfaqësues të Kishës Ortodokse Serbe.
