Arrestohen dy persona, dyshohet se keqpërdoren detyrën zyrtare për përfitim të kundërligjshëm
Policia e Kosovës ka bërë të ditur se Drejtoria për Hetimin e Krimeve Ekonomike dhe Korrupsionit (DHKEK), konkretisht Sektori për Hetime Financiare pas ndërmarrjes se veprimeve hetimore dhe në koordinim me Prokurorinë Themelore në Prizren, ka bërë arrestimin e dy individëve të dyshuar për keqpërdorimit të dëtyrës zyrtare.
Personat me inicialet (E.SH dhe B.K.) akuzohen për keqpërdorim të detyrës zyrtare dhe përfitim të kundërligjshëm të pasurisë, sipas njoftimit të dhënë nga Policia e Kosovës.
Të dyshuarit ishin të ngarkuar për menaxhimin dhe mbikëqyrjen e një kontrate në vlerë 10 mijë euro për ndërtimin e rrugëve në një fshat të komunës së Suharekës gjatë vitit 2022.
Ata janë akuzuar për përpilimin e procesverbaleve të rreme dhe situatave fiktive, duke provuar të argumentojnë realizimin e punimeve sipas kontratës, ndërkohë që në të vërtetë punimet nuk kanë ndodhur në mënyrën e paraparë.
NJOFTIMI:
Policia e Kosovës, Drejtoria për Hetimin e Krimeve Ekonomike dhe Korrupsionit (DHKEK), konkretisht Sektori për Hetime Financiare pas ndërmarrjes se veprimeve hetimore dhe në koordinim me Prokurorinë Themelore në Prizren me datë 22.08.2023 ka arrestuar dy persona të dyshuar me iniciale (E.SH dhe B.K.) për shkak se dyshohet se të njëjtit kanë keqpërdorur detyrën zyrtare me qellim të përfitimit të kundërligjshëm për vete apo persona te tjerë.
Të njëjtit në cilësi të personave zyrtar kanë qenë te caktuar për menaxhim dhe mbikëqyrje të kontratës për ndërtimin e disa rrugëve në një fshat të komunës së Suharekës në vitin 2022, ku vlera e kësaj kontrate ka qenë dhjetëra mijë euro.
Pas daljes së prokurorit në vend ngjarje dhe eksperteve kompetent dhe verifikimit të gjendjes faktike, si dhe intervistimit të dëshmitarëve, lidhur me ketë kontratë është konstatuar se e njëjta nuk është realizuar siç ka qenë e paraparë.
Të dyshuarit kanë përpiluar procesverbaleve, dhe situacione fiktive/rrejshme ku kanë konfirmuar kryerjen e punimeve sipas kontratës, ndërsa sipas gjendjes në teren kjo kontratë nuk është realizuar.
Lidhur me rastin janë intervistuar të dyshuarit e lartcekur me iniciale në prezencë të avokatit mbrojtës, ku pas përfundimit, sigurimit të provave dhe dëshmive me vendim të prokurorit të dyshuarit janë dërguar në mbajtje për 48 orë.
