Ambasada e ShBA-së për vizitën e Hanrahan: Për t’i avancuar përpekjet amerikane drejt stabilitetit
Ambasada e Shteteve të Bashkuara të Amerikës doli me një shkrim përmbledhës të vizitës së Zyrtarit të Lartë të DASh, Brendan Hanrahan, i cili u takua me liderë politikë vendorë dhe të komunitetit e biznesit.
Sipas komunikatës, vizita e Hanrahan për synim kishte “avancimin e përpjekjeve amerikane drejt stabilitetit dhe prosperitetit ekonomik”.
“Ishte kënaqësi të prisja në Kosovë Zyrtarin e Lartë të Byrosë Brendan Hanrahan #StateEUR fundjavën e kaluar. Vizita e tij përfshinte takime konstruktive me zyrtarë qeveritarë, udhëheqës të opozitës dhe komunitetin e biznesit, si dhe vizita në Camp Film City dhe Camp Nothing Hill, për të çuar përpara përpjekjet e SHBA-së drejt stabilitetit dhe prosperitetit ekonomik. Ai gjithashtu gjeti kohë për të vizituar Manastirin e Graçanicës, Vendin e bukur dhe historik të Trashëgimisë Botërore të UNESCO-s. Shijoni disa foto nga vizita!”, thuhet në njoftim.
