Abdixhiku i ashpër: Pështyesit nuk kanë shumicë, iu duhet kohë për pazare shtesë – të rënda
Kryetari i LDK-së, Lumir Abdixhiku, ka reaguar ashpër pas postimit të Kurtit në rrjete sociale.
Abdixhiku ka thënë se pushteti nuk e ka shumicën, dhe i duhet kohë për pazare shtesë.
Postimi:
Jep dorëheqje zotëri, betohu si deputet! Si secili tjetër në Kuvend! Mjaft më me filma e kauza plot mllef!
Apetiti i madh i deputetëve të Lëvizjes Vetëvendosje - dhe i prijësit të tyre për të qenë edhe Kryeministër edhe Deputet, prodhoj sot një epizodë të errët demokratike në vend. Të paprecedentë, sepse askush deri më tani, me mendje demokratike e me respekt ndaj Republikës, nuk kishte provuar t’i ketë të dyja funksionet përnjëherë!
Derisa në njërën anë deklarojnë se po japin dorëheqje, në anën tjetër vazhdojnë të ushtrojnë funksionet e dorëhequra sikurse s’ka ndodhur asgjë e re. Sa të pavërtetë; sa jodemokratik!
E vërteta megjithatë është krejt e thjeshtë!
Duan të blejnë kohë; sepse nuk kanë votë. Me 52 vota tani, ato që edhe i pamë. pështyesit e moçalit të pështymave, nuk kanë shumicë. I duhet koha për pazare shtesë - të rënda, joparimore, të kushtueshme për këtë Republikë.
Aq të kushtueshme sa u kuptua dhe nga mesazhet që i dërgonin njëri tjetrit vet!
