50 euro shtesë edhe në janar për punëtorët e sektorit publik
Edhe në muajin janar, punëtorët e sektorit publik do të marrin 50 euro shtesë.
Kjo është votuar në mbledhjen e sotme të Qeverisë së Kosovës.
Ministri i Financave, Hekuran Murati, ka thënë se ka qenë premtim i Qeverisë që të paguhet kjo shtesë deri në hyrjen në fuqi të Ligjit të Pagave, që pritet të nisë në shkurt.
Shtesat nga 50 euro për sektorin publik, për përballjen e inflacionit, pati nisur në shtator pas grevave. Nga 50 euro u paguan çdo muaj shtesë deri në dhjetor e tash me vendimin e ri edhe në janar.