45 ankesa për Ligjin e Pagave te Avokati i Popullit

Deri me tash numri i ankesave kundër Ligjit të pagave në Institucionin e Avokatit të Popullit ka arritur në arritur në 45.

Këtë për “Betimi për Drejtësi” e ka konfirmuar zëdhënësi i Avokatit të Popullit, Petrit Çollaku.

Sipas tij, ankesa kanë pranuar nga sindikatat dhe institucionet e vendit. Po ashtu, sipas tij, janë ankuar edhe profile të zyrtarëve të cilët ankesën e kanë bërë në emër të tyre individual dhe grupor.

Disa nga sindikatat dhe institucionet që kanë dorëzuar ankesë në IAP deri më tani janë:

1. Shoqata Sindikale e Shërbimit Sprovues të Kosovës –(SHSSHSK)
2. Sindikata e Policisë së Kosovës
3. Shoqata Sindikale e Punëtorëve të Administratës Tatimore të Kosovës
4. Shoqata Sindikale e punëtorëve Autoritetit të Aviacionit Civil-AAC-së (SPAAC)
5. Shoqata Sindikale e Punëtorëve të Zyrës së Auditorit të Përgjithshëm
6. Instituti Kosovar i Drejtësisë (IKD)
7. Këshilli Prokurorial i Kosovës
8. Komisioni Qendror i Zgjedhjeve
9. Qendra për Punë Sociale-Komuna e Prishtinës
10. Autoriteti Rregullator për Shërbimet e Ujit (ARRU)
11. Zyra e Rregullatorit për Energji – ZRRE
12. Komisioni i Pavarur i Mediave (KPM)
13. Këshilli Gjyqësor i Kosovës
14. Administrata Qendrore e Shërbimit Spitalor dhe Klinik Universitar të Kosovës
15. Stomatologët specialist që punojnë në Kujdesin Primar Shëndetësor
16. Mësimdhënës të Gjimnazit “Kuvendi i Arbërit” – Ferizaj
17. Oda e Fizioterapeutëve të Kosovës
18. Auditorët e brendshëm
19. Infermierët
20. Grupi i Laborantëve të Lartë Mjekësor
21. Shoqata e Instrumentarëve të Kosovës

Kuvendi i Kosovës në fund të vitit të kaluar kishte miratuar Ligjin për pagat në sektorin publik.