Çitaku: Çështja e Limajt nuk është temë në PDK – s’pres epilog ndryshe
Vlora Çitaku, anëtare e Kryesisë së PDK-së, ka përjashtuar mundësinë që Fatmir Limaj të përfshihet në listën e kësaj partie për zgjedhjet parlamentare të 7 qershorit.
Në emisionin “Frontal” në T7, Çitaku tha se PDK synon të hartojë një listë sa më gjithëpërfshirëse, por me theks te figurat e reja politike.
“Skena politike në Kosovë ka nevojë për personalitete të reja. Shumë prej nesh kemi një jetë të tërë në politikë. Çështja e zotit Limaj nuk është diskutuar fare dhe nuk pres ndonjë epilog ndryshe nga zgjedhjet e fundit”, tha ajo.
