Zjarr edhe në pyjet e Çekisë, ofron ndihmë Gjermania

Zjarrfikësit çekë, të ndihmuar nga disa njësi nga Gjermania fqinje, të martën luftuan kundër një zjarri në një park kombëtar, ku disa shtëpi janë shkatërruar dhe banorët e disa fshatrave janë evakuuar.

Zjarri që ka përfshirë një sipërfaqe prej 30 hektarësh në një zonë të popullarizuar për turistë në kufi me Gjermaninë, shkaktoi tym që u përhap në një zonë të madhe, përfshirë kryeqytetin Pragë, që ndodhet rreth 210 kilometra larg.

Zjarrfikësit dyshojnë se një vizitor i parkut e nisi zjarrin, pasi la një zjarr kampingu pa përkujdesje në fundjavë në zonën e njohur si Zvicra Çeke. Zjarri ishte nën kontroll derisa era ia ndryshoi drejtimin.

Një valë e jashtëzakonshme e vapës javën e kaluar, me temperatura që shkuan mbi 40 gradë, shkaktuan zjarre në disa pjesë të Evropës Jugore.