Zemaj: Të papërgjegjshëm në Qeverinë e papërgjegjshme
Deputeti i Lidhjes Demokratike të Kosovës, Armend Zemaj ka reaguar pas rastit të fundit, ku një 35-vjeçare mbeti e vdekur gjatë mjekimit të një dhembi.
Zemaj ka kujtuar edhe vdekjen e një gruaje në derën e Klinikës së Gjinekologjisë në QKUK dhe fëmijën që është vendosur brenda lavatriçes në Spitalin e Pejës.
Krejt këto, ai i ka quajtur kronika të trishtueshme, ku gjithashtu ka thënë se të pa përgjegjshmit janë në Qeverinë e papërgjegjshme.
Postimi i plotë:
Të papërgjegjshëm në Qeverinë e papërgjegjshme.
Një nënë vritet në derë të Klinikës së Gjinekologjisë, asnjë përgjegjësi.
Një fëmijë futet në lavatriçe në Spitalin e Pejës, asnjë përgjegjësi.
Një grua vdes në një klinikë private, asnjë përgjegjësi.
Kronika të trishtueshme!
